Претставниците од Националната агенција за европски образовни програми и мобилност, г-ѓа Марија Стефковска, од Одделението за мобилности од областа на стручно и училишно образование, г. Александар Богојевски, од Одделението за мобилности во високото образование, обука и млади и г-ѓа Мила Протугер Анастасова, од Одделение за еТвининг, одржаа презентација на програмата Еразмус+ заедно со централизираните акции (Sport, Capacity Building, Knowledge Alliance, Erasmus Mundus Joint Masters Degrees и Jean Monnet) и на мрежите Европас, Евридика, Еврогајденс и еТвининг.
На 13 ноември 2018 година беше одржан инфо ден во Дојран и Гевгелија на кои беа присутни претставници од основни и средни училишта, градинките и претставници од општините. На инфо денот беа презентирани можностите кои ги нуди програмата Еразмус+ и европските образовни мрежи Европас, Еврогајденс и еТвининг од страна на вработените од Националната агенција за европски образовни програми и мобилност: г. Дејан Златковски, раководител на одделение, ИКТ и европски образовни мрежи, г. Астрит Реџепи, помлад соработник во Сектор за стратегиски партнерства - високо образование и образование за возрасни и г-ѓа Мартина Најдоски, самостоен референт за администрирање на индивидуални мобилности од областа на училишното образование.
Воведна презентација за Еразмус+ програмата имаше г-ѓа Мартина Најдоски од Сектор за индивидуални мобилности во областа на образованието, обука и млади која им ги пренесе следните информации на присутните:
Претставниците од Националната агенција за европски образовни програми и мобилност, г-ѓа Aна Михајлов, од Одделение за управување со човечки ресурси, г. Александар Богојевски од Одделение за мобилности во високото образование, обука и млади и г. Дејан Златковски од Одделение за ИКТ и европски образовни мрежи, на 14 ноември, одржаа презентација на програмата Еразмус+ и на мрежите Европас, Евридика, Еврогајденс и еТвининг пред присутните граѓани во Струмица и Неготино.
На презентациите присуствуваа претставници на градинки, основни и средни училишта, здруженија на граѓани и претставници од општините.
Претставниците од Националната агенција за европски образовни програми и мобилност, г-ѓа Мила Протугер Анастасова, од Одделение за е-Твининг, г. Александар Богојевски од Одделение за мобилности во високото образование, обука и млади и г-ѓа Сандра Кабранов, од Одделение за стратегиски партнерства од областа на високото образование и образование на возрасни, ја презентираа програмата Еразмус+ и мрежите како Европас, Евридика, Еврогајденс и еТвининг пред присутните граѓани во градовите Струга и Охрид, која се одржа на 7 ноември.
На презентациите присуствуваа претставници на градинки, основни и средни училишта, универзитети, здруженија на граѓани и претставници од општините.
Националната агенција за европски образовни програми и мобилност во петок на 2.11.2018, во „Сити хол” - Скопје, организираше меѓународна конференција за ЕКВЕТ, на тема: Промоција и размена на добри практики во спроведувањето на ЕКВЕТ, помеѓу Македонија, Финска и Данска.
Конференцијата ја отвори г-ѓа Лидија Димова, директор на НАЕОПМ, која што во воведното обраќање ги истакна можностите коишто ги нуди програмата Еразмус+, особено во областа на образованието и значењето на ЕКВЕТ системот кој овозможува преносливост на квалификациите стекнати за време на мобилностите поддржани од Еразмус+ програмата.
На присутните, исто така, им се обрати и г. Петар Атансов, заменик-министер за образование и наука, којшто ги информираше присутните за активностите коишто Министерството за образование и наука ги презема во насока на подобрување на образовниот систем во Република Македонија и воведувањето на ЕКВЕТ системот, како дел од реформите кои се спроведуваат.
Следно свое обраќање имаше и г-ѓа Софи Беумонт, претставник од Делегацијата на ЕУ во Скопје, којашто даде свој осврт на значењето на образованието со посебен фокус на стручното образование.
Македонските еТвининг амбасадорки Олгица Балајџиева, Габриела Стојановска заедно со одговорната раководителка на еТвининг во Македонија, Мила Протугер Анастасова и советничката од Бирото за развој Гордана Јанакиевска беа учесници на овогодишната еТвининг конференција во Варшава, која се одржа од 25 до 27 октомври 2018 година.
Темата културно наследство е дел од многу проекти во еТвининг мрежата и затоа оваа година културното наследство беше главна тема на овогодишната конференција. Културното наслетство е важен дел на секоја земја и затоа оваа тема има големо влијание во секој сегмент од животот на еден наставник или еТвинер.
Беа организирани многу работилници со тема културно наследство, исто така на конференцијата беа презентирани и успешни приказни од еТвининг проекти како инспирација за над 500 учесници од Европа и пошироко.
Националната агенција за европски образовни програми и мобилност во соработка со Националните агенции на Словенија, Бугарија, Турција и САЛТО Ресурсниот центар за ЈИЕ, организира регионален „Годишен настан за волонтери“, кој ќе се одржи од 7-9 декември 2018 во Скопје.
Регионалниот годишен настан за волонтери се организира за сите поранешни волонтери (долгорочни и краткорочни), кои, во периодот од декември 2017 до декември 2018, имаа учествувано во волонтерски активности преку Еразмус+ програмата.
Учесниците ќе имаат можност во динамична и креативна атмосфера да ги споделат своите волонтерски искуства. Со користење на неформални методи на учење, ќе добијат информации и алатки како најдобро да го искористат волонтерското искуство во иднина, во личниот и во професионалниот живот. Исто така, тие ќе имаат можност да направат регионално вмрежување и остварување на нови контакти. Главен фокус за време на настанот ќе бидат реалните потреби на поранешните волонтери по завршување на волонтирањето.
Водечката група на Стратегиското партнерство „Youth@Work" од 5 до 8 ноември 2018 година, одржа состанок во Истанбул, Турција.
Претставниците од Македонија, директорката на Националната агенција, г-ѓа Лидија Димова и претставникот на Стратегиски партнерства од полето на млади, г. Јовица Митевски учествуваа во изработување на работниот план за 2019 година, основање на национални консултативни групи и истражувања во регионите на партнерствата за зголемено вработување кај младите и развивање на компетенции за вработливост со преку синергија на Јутпас, „EntreComp" и „DigComp" моделите.
На 2 ноември 2018 година, Еврогајденс центарот при Националната агенција за европски образовни програми и мобилност одржа Еврогајденс саем.
Еврогајденс саемот се одржува за првпат во Република Македонија, на којшто имаа можност средните стручни училишта од Скопје да ги претстават своите програми и струки пред учениците од 9. одделение од основните училишта.
Саемот се одржа во Сити Хал во Скопје, кој предизвика голема заинтересираност како кај учениците и кај професорите од средните стручни училишта, исто така, и кај наставниците, родителите и кај учениците од 9. одделение од основните училишта.
Европас центарот при Националната агенција за европски образовни програми и мобилност организираше Европас конференција, која се одржа од 4 до 6 ноември 2018 година, во хотелот Метропол во Охрид, и која беше наменета за наставници од основните училишта од Градот Скопје.
На конференцијата, присуствуваа 52 наставници од основните училишта од Градот Скопје, кои имаа можност во текот на сесиите на конференцијата да се запознаат со работата на Европас центарот и со сите Европас документи.
Петок, 16 ноември 2018 година 
Петок, 16 ноември 2018 година
Петок, 16 ноември 2018 година
Среда, 14 ноември 2018 година
Петок, 9 ноември 2018 година 
Петок, 9 ноември 2018 година
Петок, 9 ноември 2018 година
Петок, 9 ноември 2018 година
Петок, 9 ноември 2018 година