Новости

Известување за одржана обука при пристигнување на волонтери во Република Македонија

Во рамките на предвидените работни активности за 2014 година,  Националната агенција за европски образовни програми и мобилност реализираше обука при пристигнување за волонтери во Република Македонија кој го имаат започнато својот волонтерски престој. Местото на одржување на обуката беше во Скопје од 25-27 август 2014 година, на која земаа учество вкупно 14 волонтери од  организации во различни региони од Македонија. Волонтерите кои присуствуваа на настанот добија можност да ги прошират своите гледишта и знаења за Акцијата 2 (Европски волонтерски сервис) која дава можностите на волонтерите кои ќе се стекнат со знаења преку неформално учење и во исто време им овозможува градење на личниот идентитет. 

Повеќе...

Нивоа на износи за грантови за студенти и наставен кадар од Република Македонија во земјите учеснички на Еразмус+ Програмата

Националната агенција за европски образовни програми и мобилност ги објавува нивоата на износи за грантови за студенти и наставен кадар од Република Македонија во земјите учеснички на Еразмус+ Програмата. Документот можете да го симнете на следниот линк.

Повеќе...

еТвининг семинар во Турција (Коња), 18-20 септември 2014

Националната агенција за европски образовни програми и мобилност резервира четири места на еТвининг – контакт семинарот во Република Турција (Коња - Konya) што ќе се одржи од 18 до 20 септември 2014 година. Организатор на настанот е еТвининг Националниот сервис за поддршка на Република Турција (eTwinning Türkiye Ulusal Destek Servisi - http://etwinning.meb.gov.tr).

Потенцијалните апликанти може да аплицираат за овие места најдоцна до 27 август 2014. Покрај пополнетата апликациска форма, потенцијалните учесници треба да достават и кратка биографија во Еуропас формат и тековна состојба од централен регистар за училиштето.

Повеќе...

Успешна приказна од мобилност на ученици на АСУЦ Боро Петрушевски Скопје во Вилнус, Литванија

ИНТЕРВЈУ СО АЛЕКСАНДАР ВЕЛИНОВСКИ, УЧЕНИК КОЈ ПОСЕТУВАЛ ПРАКСА ВО АВТОМОБИЛСКИТЕ ГИГАНТИ ВО ЛИТВАНИЈА - ПРЕВЗЕМЕНО ОД ДНЕВНИОТ ВЕСНИК ВЕЧЕР (http://www.vecer.mk/default.asp?ItemID=0BC81CFA6AB8744BA29077BE96FCC255)


На нас гледаа како на обични ученици, дојдени некаде од Македонија кои не ги разбираат работите како мајстори со долгогодишно искуство. Сепак, им докажавме дека сме квалитетни, вели Велиновски


Александар Велиновски е поранешен ученик во средното стручно училиште АСУЦ "Боро Петрушевски", кој преку програмата за мобилност Леонардо да Винчи на Националната агенција за европски програми и мобилност посетувал обука во Литванија за автомеханичари. Искусил каква е работата во современите сервиси на автомобилските гиганти "Волво", "БМВ" и "Пежо" како и практичната настава во Литванија, искуства кои ги споделил со соучениците и кои ги раскажуваше за "Вечер"

Повеќе...

Соопштение до сите организации во Македонија во кои има волонтери преку МвА - Акција 2 -

Се повикуваат сите организации во Македонија кои тековно  во своите организации имаат волонтери преку Акција 2 Европски волонтерски сервис ЕВС,  да достават информации за волонтерите со пополнување на табелата со податоци која може да се најде на следниот линк.

Сите податоци треба да се достават на е-маил: info@na.org.mk најдоцна до 18 јули (петок) 2014 година.

По обработка на податоците организациите по е-маил ќе ги добијат сите детали за обуките кои ќе бидат организирани од НА за ЕВС волонтерите во Македонија.      

Повеќе...

Соопштение за медиуми

19.06.2014

Директорот на Националната агенција за европски образовни програми и мобилност  г. Дарко Димитров  на 19.06 и 20.06.2014г. учествува на Третиот Министерски состанок  на  Западно Балканската платформа за образование и обука кој што се одржува во Брисел организиран од Европската Конисија.

Повеќе...

Соопштение на европската комисија / 13 јуни 2014

Одложување на склучувањето на грант договорите

Еразмус+ 2014 повикот за Клучните акции 1, 2 и 3 стартуваше успешно . Европската комисија и Националните агенции примија голем број на апликации и сме задоволни што гледаме голема потреба од Еразмус+ низ цела Европа.

Сепак, поради бројни технички проблеми некои Национални агенции можеби нема да бидат во ситуација да ги потпишат грант договорите пред почетокот на соодветните Клучни акции.

Во ситуација каде што националните агенции ја финализирале селекцијата за соодветните акции и ги известиле апликантите за резултатите, успешните апликанти можат, зависно од Клучната акција и полето, да започнат со имплементација на активностите, и тоа од:

Повеќе...

Учество на конференцијата LOOK BEYOND

Директорот на Националната агенција, Г-дин Дарко Димитров, учествуваше на конференцијата LOOK BEYOND што се одржа од 10 до 11 јуни 2014 во Конгресниот Центар на Скопски Саем. Конференцијата собра на исто место претставници од: Македонската национална агенција, Младинскиот оддел при Советот на Европа, Европската комисија, Партнерство за млади помеѓу ЕУ и Советот на Европа, Европскиот младински форум, SALTO ресурсни центри, како и млади луѓе од 70 младински организации од Македонија и Европа. Ова е единствен настан во Македонија од ваков тип, кој на едно место ќе собере преку 200 преставници на младинскиот и граѓански сектор од цела Европа, со значајно присуство на Европските институции.

Повеќе...

26-05-2014 16:19

Соопштение за медиуми

Почитувани,

Амбасадорот во Мисијата на Република Македонија во Европската унија,    Д-р. Андреј Лепавцов во име на Република Македонија и г-дин Јан Трушчински, Генерален Директор во Генералниот Директорат за образование и култура на Европската Комисија во име на Европската унија денес го потпишаа Меморандумот за разбирање за учество и имплементација на програмата ЕРАЗМУС ПЛУС 2014-2020 во Република Македонија. Активно учество во подготовката и реалзацијата на овој процес имаше Директорот на Националната агенција за европски образовни програми и мобилност г-дин Дарко Димитров, кој воедно присуствуваше на чинот на потпишување на Меморандумот.

Повеќе...

Учество на Директорот на НА, Г-дин Дарко Димитров,на научна конференција на УКИМ Скопје

Директорот на Националната агенција за европски образовни програми и моблиност г-дин Дарко Димитров на 15.05. 2014 година учествуваше на научната конференција „Реформите во воспитно-образовниот систем во Република Македонија“ и даде активен придонес  за нејзината успешна реализација.

Повеќе...