Презентации за Еразмус+ програмата и европските образовни мрежи Европас, Еврогајденс и еТвининг во ПОУ „Д-р Златан Сремец“ - Скопје

Четврток, 5 јули 2018 година

На 3 јули, претставничките на Агенцијата за европски програми и мобилност  Анабела Наскоски Петрески од Одделението за ИКТ и европски образовни мрежи, Мила Протугер Анастасова од Одделението за еТвининг и м-р Деспина Србиновска Шандуловска од Одделението за стратешки партнерства од областа на стручно и училишно образование, одржаа презентации за Еразмус + програмата и за европските образовни мрежи Европас, Еврогајденс и еТвининг во ПОУ „Д-р Златан Сремец“ - Скопје.

На презентациите присуствуваа директорката, наставниците и стручната служба од ПОУ „Д-р Златан Сремец“ - Скопје.

Целта на одржување на овој вид презентации е запознавање со новитетите и можностите кои се нудат преку Еразмус+ програмата и европските образовни мрежи.

Исто така на присутните им беа презентирани и можностите што се нудат за наставници и стручна служба од страна на Националната агенција за европски образовни програми и мобилност.