Врз основа на Решение број 25-972/2, ЕПАЛЕ Националниот сервис за поддршка (ЕПАЛЕ НСП) на Република Северна Македонија објавува:

ЈАВЕН ПОВИК

за ЕПАЛЕ Амбасадори (2)
и тоа:
⦁ 1 ЕПАЛЕ Амбасадор за НУТС Регионите: полошки и југозападен,
⦁ 1 ЕПАЛЕ Амбасадор за НУТС Регионите: скопски и североисточен.

За ЕПАЛЕ

ЕПАЛЕ НСП на Република Северна Македонија работи во рамките на Националната агенција за европски образовни програми и мобилност. ЕПАЛЕ НСП ја идентификува важната содржина на национално ниво, воспоставува и одржува контакти со социјалните партнери во земјата, како и другите НСП. Во првите години на спроведувањето на ЕПАЛЕ, наша цел ќе биде да привлечеме што е можно поголем број возрасни во образовните процеси, со тоа што ќе ја направиме ЕПАЛЕ повидлива за различни целни групи во образованието за возрасните и стручното образование и обука.

ЕПАЛЕ Амбасадори

Зошто да бидам ЕПАЛЕ Амбасадор?

⦁ Ќе ја промовирате вашата организација во рамките на секторот за образование на возрасни низ цела Европа преку активности кои се релевантни за вашите вештини, искуство и знаење,
⦁ Можете да ги споделите вашите идеи за нови иницијативи и политики,
⦁ Можете да ја зголемите својата мрежа на други Амбасадори и ЕПАЛЕ корисници,
⦁ Ќе бидете дел од најголемата, мултилингвална, електронска заедниза за учење на возрасните.
ЕПАЛЕ Амбасадорот:
⦁ Ја промовира ЕПАЛЕ и идентификува потенцијални корисници на Платформата,
⦁ Помага во мапирање на главните социјални партнери поврзани со образованието за возрасни како и образовните можности за возрасни во соодветниот регион,
⦁ Одржува најмалку 6 промотивни средби со преставници на институции од образованието за возрасни на локално ниво, вклучително и електронски,
⦁ Организира најмалку 2 мини-конференции, вклучително и електронски,
⦁ Идентификува и/или креира содржини (блогови, статии, настани, ресурси) погодни за објавување на Платформата,
⦁ Овозможува техничка поддршка во процесот на регистрација на нови корисници,
⦁ Учестува во подготовка и унапредување на промотивни/информативни материјали за ЕПАЛЕ,
⦁ Активно учествува во различни дискусиони групи како на ЕПАЛЕ, така и на социјалните медиуми.
ЕПАЛЕ Амбасадори можат да бидат лица преставници на организации/институции кои активно се занимаваат со образование на возрасни од горенаведените региони на Република Северна Македонија. Покрај тоа, тие треба да:
⦁ Се активни на социјалните медиуми,
⦁ Ги разбираат главните документи и трендови во политиките поврзани со образованието на возрасните на национално и европско ниво,
⦁ Се дел од повеќе (меѓународни) мрежи,
⦁ Се вклучени или биле вклучени во европски/меѓународни проекти,
⦁ Го познаваат англискиот јазик и имаат напредни ИКТ вештини.

За својата работа, избраните ЕПАЛЕ Амбасадори имаат право на симболичен надомест. Истиот ги покрива сите трошоци на Амбасадорот за организирање настани, транспорт, локален превоз, комуникации итн.
Пред започнување на ангажманот, избраните ЕПАЛЕ Амбасадори ќе поминат детална обука за начинот на работа. ЕПАЛЕ Амбасадорите имаат право на поддршка од ЕПАЛЕ НСП во текот на целокупното времетраење на ангажманот.
ЕПАЛЕ Амбасадорите ќе бидат ангажирани за 2020 година, со можност за продолжување и во 2021 година.

Начин на пријавување
Пополнета апликација заедно со ваше ЦВ во ЕУРОПАСС формат поднесете на epale@na.org.mk, со назнака:

за Повик за Амбасадори, најдоцна до 20.08.2020 година. Задолжително назначете: „За Јавен Повик за ЕПАЛЕ Амбасадори“.

ЕПАЛЕ Национален сервис за поддршка
EPALE National Suport Service
Национална агенција за европски програми и мобилност
National Agency for European Educational Programmes and Mobility
epale@na.org.mk
++389 2 3109 045
Facebook: EPALE North Macedonia
„Кузман Јосифовски-Питу“ бр.17, Скопје
“Kuzman Josifovski Pitu” nr. 17 Skopje
Република Северна Македонија
Republic of North Macedonia