Дополнителни информации за CIGNA (ЦИГНА) осигурување за Еразмус+ и Европски солидарен корпус (волонтерски активности) – КОВИД 19

Дополнителни информации за CIGNA (ЦИГНА) осигурување за Еразмус+ и Европски солидарен корпус (волонтерски активности) – КОВИД 19

Информацијата се однесува на сите тековни и идни мобилности на млади лица преку програмите  Еразмус+ и Европски солидарен корпус (волонтерски активности) кои согласно правилата за време на мобилноста користат CIGNA (ЦИГНА) осигурување а се погодени од КОВИД 19. 

Покривање на трошоци 

Согласно утврдената политика на CIGNA (ЦИГНА) осигурување трошоците поврзани со КОВИД-19, се покриени на ист начин како и секое друго заболување. 

 За Еразмус+ волонтерите и учесниците на Европскиот солидарен корпус, ова значи дека превентивната нега не е вклучена и дека:

• Трошоците за дијагностичките тестови за КОВИД-19 се покриени само доколку ги пропише лекар. Тестирањето за КОВИД-19 во моментов е координирано и обезбедено од здравствените системи на ниво на држава низ целиот свет. Доколку не е достапно на локално ниво, Цигна ќе ги покрие медицинските неопходни тестови за COVID-19 во согласност со опфатот на планот за дијагностицирање на други болести и според упатствата на Светската здравствена организација. Во моментов ова е за луѓе кои покажуваат симптоми (треска со кашлица и/или отежнато дишење), и/или имале изложеност на потврден случај на инфекција со КОВИД-19 во 14 дена пред појавата на симптомите. Превентивните тестови не се опфатени.
• Истото важи и за карантин. Kарантин/изолација на заразени пациенти во болницата е опфатен. Доколку, пак, карантинот од чисто превентивни причини (на пример, за некој што патувал во регион со голем број на инфекции, или за некој што покажува благи симптоми) не се смета за медицински третман (лицето може едноставно да остане дома) и затоа карантин од чисто превентивни причини  не е покриен.
• Трошоци за маски за лице се покриени само за инфицирани пациенти. Не е покриено од превентивни причини (купување на маска за да се користи од превентивни причини).

На учесниците им се препорачува да ги следат мерките и препораките на локално ниво кои се валидни за КОВИД 19 за следење на болеста, да се информираат редовно со состојбите и начинот на ширење на вирусот и за најефикасен третман за лица заразени од КОВИД 19 кој е достапен во државата каде претстојуваат во моментот.

Валидност на покриеност

Во рамките на тековните проекти и во сите случаи, учесниците продолжуваат да бидат осигурани во нивната држава домаќин или матичната држава за целиот период кој е внесен  од организацијата за осигурување и плус дополнителни 2 месеца (од завршување на активноста). Доколку е потребно и каде што не се реализирани 12 месеци активност, препорачуваме организациите да го продолжат периодот на активноста за учесникот кој првично бил внесен во системот.

За учесниците кои ја завршиле својата 12-месечна активност, но не можат да се вратат во нивната матична држава поради ограничувања за патување/национални мерки за затворање, во моментов се проверува можноста да се продолжи периодот на покривање над 2 дополнителни месеца со ЦИГНА. Доколку учесникот не може да се врати во својата држава и после 12 + 2 месеца организацијата домаќин задолжително да ја контактира НА во државата каде се реализира активноста.   

Лице за контакт во Национална агенција за европски образовни програми и мобилност :

Снежана Симоновска

Раководител на сектор за индивидуални мобилности во областа на образованието, обука и млади & Европски солидарен корпус

Емаил:  snezana.simonovska@na.org.mk

Моб.тел: 00389 75 402 806