Традицијата „Еразмус+ денови“ продолжува и оваа година. Деновите на Еразмус, овогодинешната прослава на Еразмус+, најголемата програма на Европската унија за образование, обука, млади и спорт, се одржа на 14, 15 и 16 октомври 2021 година. Три дена се одбележуваше програмата Еразмус+ во Европа и во целиот свет. Изразуваме благодарност до сите учесници од цела држава кои организираа настани за да ги прославиме овие денови. 

Националната агенција оваа година организираше натпревар во куглање, е-спорт настан со средни стручни училишта со играта League of Legends, одржавме видео конференција и објавивме видеа од успешни проекти.
Деновите на Еразмус+ се одржаа за првпат во 2017 година по иницијатива на француската национална агенција за програмата Еразмус+.