Форум за затворање на Европската година на вештини - Youth@Work

Конференција – Симпозиум – Форум(5 учесници)

4-7 декември 2024 | Анталија, Турција

Форумот за младинска вработливост и иднината на трудот!

На форумот ќе бидат дискутирани јавни политики, дигитализација и иновативни патишта до вработување преку сесии предводени од експерти.

Глобалниот пејзаж на вработување брзо се менува, поттикнат од технолошки напредоци, променливи економски услови и општествени очекувања. Еден од клучните аспекти на оваа трансформација е влијанието врз вработувањето на младите. За да се справиме со овие предизвици и можности, е планиран форум кој ќе се фокусира на истражување на моменталната состојба, истражувачките наоди и различните пристапи во политиките поврзани со вработувањето на младите и иднината на трудот.

Форумот ќе се одржи во Белек, Анталија.

ЦЕЛИ

Примарните цели на овој форум се:

• Да се оцени моменталната состојба на вработувањето на младите во Европа и соседните земји, истакнувајќи ги трендовите, предизвиците и можностите.
• Да се презентираат иновативни истражувања и практики во областа на вработувањето на младите и дигитализацијата
• Да се дискутираат и дебатираат различни јавни политики и иницијативи насочени кон подобрување на вработливоста на младите
• Да се истражат импликациите на вештачката интелигенција и дигитализацијата врз идните перспективи за работа на младите.

СТРУКТУРА И СЕСИИ

Форумот ќе има паралелни сесии организирани во три тематски кластери, секој фокусирајќи се на клучни аспекти од вработувањето на младите и динамиката на идната работна сила:

Јавни политики и вработување на младите:

Овој кластер ќе го разгледа улогата на јавните политики и интервенциите во поттикнување на вработувањето на младите. Дискусиите ќе опфатат области како што се реформите во образованието, програмите за обука на вештини, регулативите на пазарот на трудот и поддршката за претприемништво на младите.

Дигитализација и иднината на трудот:

Овој кластер ќе се фокусира на влијанието на дигиталните технологии и вештачката интелигенција врз вработливоста на младите. Темите ќе вклучуваат вештини кои се бараат од новите технологии, можности во gig-економијата, трендови во работа од далечина и улогата на дигиталната писменост за подготвеност за работа.

Иновативни патишта до вработување:

Третиот кластер ќе ги истражува новите пристапи и иницијативи кои го олеснуваат влегувањето на младите на пазарот на трудот. Ова ќе опфати дискусии за социјална иновација, иницијативи предводени од млади, креативни индустрии и одржливи модели за вработување.

ОЧЕКУВАНИ РЕЗУЛТАТИ

• Да се подобри разбирањето за сложената динамика на вработувањето на младите во контекст на дигиталната трансформација.
• Да се стекнат сознанија за ефективни политички рамки и иновативни стратегии за поттикнување на вклученоста на младите во работната сила.
• Да се идентификуваат клучните предизвици и можности во искористувањето на вештачката интелигенција и дигитализацијата за вработливоста на младите.
• Да се воспостави мрежа и соработка меѓу заинтересираните страни посветени на напредување на агендата за вработување на младите.

ЦЕЛНА ГРУПА

Форумот ќе ги обедини младинските работници, носителите на политики, истражувачите, едукаторите, индустриските лидери, младинските активисти, младите претприемачи и претставници од меѓународни организации и граѓанското општество, сите со заеднички интерес за вработувањето на младите и трендовите на идната работна сила.

Форумот е дел од партнерството Youth@Work, сојуз на 13 Национални агенции на Еразмус+ и SALTO-YOUTH ресурсните центри.

ТРОШОЦИ ЗА НАСТАНОТ:

Настанот ќе се реализира во периодот од 4-7 декември 2024 | Анталија, Турција Принципот на покривање на трошоци е следниот:

Патните трошоци и сместувањето се покриваат од Националната агенција која испраќа учесници (во овој случај НА MK01);

Самиот учесник (индивидуално) учествува со 5% од висината на патниот билет (во вид на: билет за локален транспорт, патничко осигурување, итн...)

Крајниот рок за поднесување на апликации е 06.10.2024 година.

За аплицирање потребно е да ја пополните целосно апликацијата на следниов линк:

https://www.salto-youth.net/tools/european-training-calendar/training/youth-work-european-year-of-skills-closing-forum.12692/

Забелешка: Известени и контактирани од страна на домакинот – организатор на транснационалната активност ќе бидат избраните учесници и на резервна листа

ОПШТИ МЕРКИ ЗА СПРЕЧУВАЊЕ НА КОРУПЦИЈАТА

Националната агенција за европски образовни програми и мобилност, во постапката за избор на 5 учесници на обуката и при извршување на договорите, ќе ги преземе сите потребни мерки со цел навремено откривање на корупцијата и отстранување или намалување на штетните последици од истата.Доколку постои основано сомнение во врска со корупција во постапката може да пријавите на следната е-пошта: ukazuvaci@na.org.mk и nepravilnosti@na.org.mk.