"Towards Collaborative Practice": TCP Social Innovation Lab

20–24 октомври 2025 | Сараево, Босна и Херцеговина

СЕМИНАР (4 учесници)

Меѓусекторски настан кој ја истражува улогата на младинската работа и програмата Еразмус+ во поттикнувањето на вработливоста, социјалното претприемништво и општествената иновација.

Овој нов TCP настан ќе истражува како младинската работа може да одговори на новонастанатите општествени предизвици преку општествени иновации и претприемачки начин на размислување. Со обединување на клучни чинители, настанот ќе истражува трендови во генерациски промени, променливиот свет на трудот и иновативни пристапи во младинската работа.

По осум успешни изданија на „Кон Колаборативна Практика“: TCP Форум и три инспиративни „Кон Колаборативна Практика“ студиски посети одржани во Шведска, Италија, Обединетото Кралство, Унгарија, Шпанија, Кипар, Грција и Израел, ова ќе биде првиот TCP настан кој се одржува на Западен Балкан.

Овозможување на организациите за општествени иновации и влијание

Настанот ќе служи како динамична платформа за учесниците да ги истражат општествените иновации, да претстават инспиративни иницијативи и да стекнат практични алатки за справување со актуелните општествени предизвици релевантни за младите денес. Дополнително, ќе обезбеди можности за развивање нови стратегии за развој на младинската работа и поттикнување идна соработка меѓу учесниците, особено во рамките на програмата Еразмус+, за создавање значаен општествен импакт. Програмата се состои од воведни говори, работилници и теренски посети, со фокус на тоа како организациите можат да се адаптираат, останат релевантни и ефективно да се поврзат со своите целни групи.

Цел на настанот:

Целта на овој настан е да поттикне поврзување, да инспирира акција и да ги опреми учесниците и организациите со вредни практики за излегување од зоната на комфор и за иновации во секторот на младинската работа.

Општи цели на TCP настаните:

• Да обезбедат можност за вмрежување и размена на идеи, алатки, методи, предизвици и добри практики за унапредување на вработливоста и претприемништвото, особено во маргинализираните заедници
• Да ја истакнат улогата на општествената иновација, социјалното претприемништво и неформалното учење за да се поттикнат и овозможат младите да ги одржат своите претприемачки компетенции
• Да охрабрат креативност, иновации, учество, солидарност, разновидност и социјална инклузија на младите
• Да обезбедат информации за Еразмус+ и други релевантни можности за унапредување на вработливоста и претприемништвото

Специфични цели на овој TCP настан:

• Да се обезбеди видливост и да се зголеми разбирањето на концептот за општествена иновација и неговата улога во процесите на социјална инклузија во младинската работа
• Да се размислува за реалностите и актуелните предизвици на организациите и чинителите вклучени во младинската работа, и да се направат чекори кон нови и иновативни стратегии и акции
• Да се споделат знаења и практични искуства кои покажуваат како општествените иновации можат да одговорат на општествените предизвици
• Да се инспирираат учесниците за создавање нови соработки/мрежи и/или претприемачки иницијативи кои се однесуваат на тековните општествени прашања релевантни за младите

Профил на учесници

Активноста собира 40 учесници од земјите од програмата Еразмус+, Источното партнерство, Јужниот Медитеран и земјите од Западен Балкан, со следните професионални позадини: практичари од граѓанскиот сектор, државни институции, академија, претприемачи, медиуми, училишта и бизнис-сектор поврзани со темата на активноста (унапредување на вработливоста, социјалното претприемништво и општествените иновации во младинската работа и програмата Еразмус+).

Безбедност и пристапност

Местото на одржување и активностите се достапни за сите; вечерните програми се по избор. На овој настан, партнерите и организаторите ги следат принципите на безбеден простор, стремејќи се да обезбедат секој да биде прифатен како што е, без страв од дискриминација или вознемирување. Се очекува и учесниците да ги почитуваат истите принципи.

ТРОШОЦИ ЗА НАСТАНОТ:

Настанот ќе се реализира во периодот од 20-24 октомври 2025 година - Сараево, БиХ

Принципот на покривање на трошоци е следниот:

Патните трошоци и сместувањето се покриваат од Националната агенција која испраќа учесници (во овој случај НА MK01);

Самиот учесник (индивидуално) учествува со 5% од висината на патниот билет (во вид на: билет за локален транспорт, патничко осигурување, итн...)

Крајниот рок за поднесување на апликации е 01.10.2025 година (13.00ч).

Апликацијата од линкот подолу потребно е да се симне на вашиот компјутер, да се пополни комплетно и истата да биде испратена на Jovica.mitevski@na.org.mk со наслов  „Колаборативна Практика“ име и презиме на апликантот/организацијата.

Линк за аплицирање:

АПЛИКАЦИЈА

ОПШТИ МЕРКИ ЗА СПРЕЧУВАЊЕ НА КОРУПЦИЈАТА

Националната агенција за европски образовни програми и мобилност, во постапката за избор на 4 учесници на обуката и при извршување на договорите, ќе ги преземе сите потребни мерки со цел навремено откривање на корупцијата и отстранување или намалување на штетните последици од истата.Доколку постои основано сомнение во врска со корупција во постапката може да пријавите на следната е-пошта: ukazuvaci@na.org.mk и nepravilnosti@na.org.mk.