„Како Национална агенција силно веруваме дека оваа можност ви нуди извонредни искуства и креирање нови партнерства“. - изјави Директорот Марко Ѓоргиевски.

Европската младинска престолнина има за цел да ја промовира интраевропската соработка меѓу младите. Меѓу најважните аспекти на институцијата е подобрувањето на секојдневниот живот на младите во градот избран за младински главен град, не само за времетраењето на свеченостите, туку и на долг рок. Обезбедувањето дека младите се информирани и активно вклучени во општеството и им се даваат можности за подобра иднина е исто така приоритет на иницијативата.