1.           1. Вовед и цели

Овој повик за предлог-проекти се базира на Регулативата (ЕУ) 2021/817 на Европскиот парламент и на Советот од 20 мај 2021 година за воспоставување на „Еразмус+“: Програмата на Унијата за образование, обука, млади и спорт (¹) (во понатамошниот текст „Регулатива за Еразмус+“), како и на Годишната работна програма на Еразмус+ за 2026 година (C(2025) 7358). Програмата Еразмус+ го опфаќа периодот од 2021 до 2027 година. Општите и специфичните цели на програмата Еразмус+ се наведени во член 3 од Регулативата за Еразмус+.

2.           Aкции

Овој повик за предлог-проекти ги опфаќа следните акции од Програмата Еразмус+:

Kлучна Aкција 1 (KA1) – Мобилност за учење на поединци:

—         Mобилност на поединци во областа на образованието, обуката и младите

—         Активности за младинско учество

—         DiscoverEU – Aкција за инклузија

—         Moбилност на кадар од областа на спортот

—         Eразмус+ Виртуелни размени

Kлучна Aкција 2 (KA2) – Соработка меѓу организации и институции:

—         Партнерства за соработка:

—         Колаборативни партнерства

—         Партнерства од мал обем

—         Eвропски партнерства за развој на училиштата

—         Партнерства за извонредност:

—         Центри за стручна извонредност

—         Aкција Еразмус Мундус

—         Партнерства за иновации:

—         Сојузи за иновации

—         Градење капацитети во областа на високото образование, стручното образование и обука, младите и спортот

—         Непрофитни европски спортски настани

Kлучна Aкција 3 (KA3) – Поддршка за развој на политиките и соработката:

—         Eвропските млади заедно

Жан Моне Акции:

—         Жан Моне акции во областа на високото образование

—         Жан Моне акции во други области на образованието и обуката

—         Дебата за политиката на Жан Моне

(1)       OJ L 189, 28.5.2021, p. 1.

3.           Подобност

Секое јавно или приватно тело активно во областите на образованието, обуката, младите и спортот може да аплицира за финансирање во рамките на Програмата Еразмус+. Дополнително, групи млади луѓе кои се активни во младинската работа, но не мора да бидат во контекст на младинска организација, можат да аплицираат за финансирање мобилности за учењето на млади луѓе и младински работници, активности за младинско учество и DiscoverEU акцијата за инклузија.

Следните земји можат целосно да учествуваат во сите активности на Програмата Еразмус+ (2):

—         27-те земји-членки на Европската Унија и прекуокеанските земји и територии.

—         трети земји поврзани со Програмата:

—         земјите од ЕФТА/ЕЕА: Исланд, Лихтенштајн и Норвешка,

—         Земјите кандидати за членство во ЕУ: Република Турција, Република Северна Македонија и Република Србија (3).

Покрај тоа, одредени акции од Програмата Еразмус+ се отворени за организации од трети земји кои не се поврзани со Програмата.

Ве молиме погледнете го Водичот за програмата Еразмус+ за 2026 година за повеќе детали за модалитетите на учество.

4.           Буџет и времетраење на проектите

Вкупниот буџет наменет за овој повик за предлог-проекти се проценува на 4.473.447 милиони евра:

Вкупниот буџет наменет за повикот за предлог-проекти, како и неговата распределба, е наведен во Годишната работна програма на Еразмус+ за 2026 година, усвоена на 5 ноември 2025 година и може да се измени во зависност од измените на Годишната работна програма на Еразмус+. Потенцијалните апликанти се поканети редовно да ја консултираат Годишната работна програма на Еразмус+ и нејзините измени, објавени на:

https://ec.europa.eu/programmes/erasmus-plus/resources/documents/annual-work-programmes_en

Доделените грантови, како и времетраењето на проектите, варираат во зависност од фактори како што се видот на проектот, видот на подобните апликанти и бројот на вклучени партнери.

Корисниците можат да ги пријават трошоците за работата што ја извршуваат волонтерите во рамките на акцијата врз основа на единечни трошоци одобрени и дефинирани во Одлуката на Комисијата (2019) 2646. Ве молиме погледнете го Водичот за програмата Еразмус+ за детални упатства за подобност на трошоците за волонтери.

5.           Краен рок за поднесување на апликациите

Сите рокови за поднесување на апликациите наведени подолу се утврдени по бриселско време.

(2)       Жан Моне Акцииите се отворени за организации од целиот свет.

(3)       Предмет на потпишување на билатералните договори за асоцијација.

Kлучна Aкција1

Ве молиме погледнете го Водичот за програмата Еразмус+ за детални упатства за поднесување на апликациите.