Врз основа на решение бр. 18-930/2 од 15.12.2025 година, Национална агенција за европски образовни програми и мобилност (Национална агенција) објавува:

ЈАВЕН ПОВИК за дополнување на базата на експерти во рамките на мрежата ЕВРИДИКА

ИЗБОР  НА  ЕКСПЕРТИ

Националната агенција, во рамките на активностите на Националната единица на мрежата Евридика - информативната мрежа на Европската комисија, објавува јавен повик за избор на експерти/практичари за учество во подготовка на извештаи и собирање, систематизација и доставување на податоци за националниот систем за образование и обука.

Експертите избрани преку овој повик ќе имаат улога во:

• Подготовка, собирање и доставување на релевантни податоци и информации за националниот систем на образование и обука кон информативната мрежа на Европската комисија - Евридика;
• Соработка и консултации со Националната агенција како национална контакт точка на мрежата Евридика, за дефинирање на опсегот и содржината на извештаите, односно, на податоците;
• Поддршка во подготовка на извештаи кои вклучуваат собирање, проверка и систематизација на податоци и статистики за националниот систем на образование и обука, во согласност со методологијата и упатствата на мрежата Евридика.
• Учествување во национални и меѓународни конференции, семинари или работилници поврзани со информирање и развој на образовните политики, по потреба.

Кандидатите треба да ги исполнуваат следниве критериуми:

• Минимум ISCED 6 ниво на образование;
• Најмалку 6 години искуство во истражувачка или практична дејност во областа на образование и обука или сродни области, во согласност со целите на мрежата Евридика;

• Докажано искуство и екпертиза во областите:

Организација и управување

Финансирање во образованието

Рано детско образование и грижа

Основно образование,

Средно и постсредно нетерцијарно образование

Високо образование

Образование и обука на возрасни

Наставници и образовен кадар

Раководен и друг образовен кадар

Обезбедување на квалитет

Образовна поддршка и насочување

Мобилност и интернационализација

Тековни реформи и развој на политики

Законодавство и официјални документи за политики

Дигитално образование во Европа

Граѓанско образование

Благосостојба во училиштето

• Практично искуство во спроведување активности и учество на национални и меѓународни конференции, семинари и обуки;
• Активно познавање на англиски јазик, со акцент на стручната терминологија. Познавањето на втор странски јазик се смета за предност.

Сите заинтересирани кандидати треба да достават:

• Кратка професионална биографија
• Потребна документација која ќе го докаже исполнувањето на бараните критериуми
• Мотивациско писмо, со назнака:
  „Јавен повик - мрежа Евридика
• Доказ за завршено образование ISCED 6
• Сертификати од учество на семинари, конференциии работилници

Пријавата со потребната документација треба да се достави на следната е-пошта info@na.org.mk со наслов на е-пошта: Апликација за експерт за Евридика, со краен рок на аплицирање до  20.12.2025  година, до 16.00 часот.

Условите наведени во огласот, кандидатите треба да ги исполнуваат во моментот на пријавувањето. Ненавремените и некомплетни пријави, нема да бидат предмет на разгледување од страна на Комисијата за разгледување и евалуација на пристигнатите апликации.Избраните експерти ќе бидат ангажирани со договор во кој ќе се утврдат обврските времетраењето на ангажманот како и надоместокот.

Општи мерки за спречување на корупцијата

Националната агенција за европски образовни програми и мобилност, во постапката за избор на експерти за дополнување на базата на експерти во рамките на мрежата ЕВРИДИКА и при извршување на договорот, ќе ги преземе сите потребни мерки со цел навремено откривање на корупцијата и отстранување или намалување на штетните последици од истата.

Доколку постои основано сомнение во врска со корупција во постапката може да пријавите на следната е-пошта: ukazuvaci@na.org.mk и nepravilnosti@na.org.mk.