Врз основа на Решение бр.21-219/2 од 23.03.2026 , Националната агенција за европски образовни програми и мобилност објавува

ЈАВЕН ПОВИК ЗА 6 (шест) УЧЕСНИЦИ

Годишен настан за поранешни волонтери од Европски солидарен корпус

Националната агенција за европски образовни програми и мобилност во соработка со САЛТО Ресурсниот центар од Љубљана SALTO SEE, Националната агенција на Словенија MOVIT (Словенија), Националната агенција на Хрватска - AMPEU (Хрватска) во рамките на (ТЕС) Циклусот за обука и евалуација на Европскиот солидарен корпус објавува повик за максимум 6 (шест) учесници од Република Северна Македонија кои ќе учествуваат на Годишниот настан на Европскиот солидарен корпус за поранешни волонтери, кој ќе се одржи во Сараево, Босна и Херцеговина, од 23 до 26 април 2026 година.

Место на одржување : Сараево, Босна и Херцеговина

Датум : 23–26 април 2026

За настанот

Дали сте поранешен волонтер на Европскиот солидарен корпус? Дали сакате да го споделите Вашето искуство, повторно да се поврзете со заедницата на ЕСК, и да истражите како Вашето волонтерско искуство може да продолжи да го обликува Вашиот личен и професионален развој?

Ве покануваме да учествувате на Годишниот настан на Европскиот солидарен корпус за поранешни волонтери, кој ќе се одржи во Сараево, Босна и Херцеговина, од 23 до 26 април 2026 година.

Овој настан е организиран во соработка помеѓу САЛТО Ресурсниот центар од Љубљана SALTO SEE, Националната агенција на Словенија MOVIT (Словенија), Националната агенција на Хрватска - AMPEU (Хрватска) и Националната агенција за европски образовни програми и мобилност (Северна Македонија), како дел од (ТЕС) Циклусот за обука и евалуација на Европскиот солидарен корпус.  

Годишниот настан претставува простор посветен на поранешните волонтери на ЕСК за споделување на нивните искуства, споделување приказни, вмреѓување со волонтери од целиот регион и прославување на нивниот придонес кон солидарноста.

Цели на настанот

Годишниот настан има за цел да:

• обезбеди простор за волонтерите да направат евалуација и да ги споделат своите волонтерски искуства

• да ги поддржи учесниците во препознавањето и вреднувањето на компетенциите стекнати за време на активноста во ЕСК (вклучително и Youthpass и пошироко)

• да овозможи размена помеѓу врсници и вмрежување меѓу волонтери од различни земји и проекти

• да истражи како волонтерските искуства можат да придонесат кон идните лични, образовни и професионални патишта

•да  обезбеди информации за понатамошни можности во рамките на Европскиот солидарен корпус и други европски програми

• да ги поддржи волонтерите во процесот на реинтеграција по завршувањето на волонтерското искуство

• да собере повратни информации од волонтерите за подобрување на квалитетот на волонтерските проекти на ЕСК и системите за поддршка

Настанот ќе користи партиципативни и неформални методи на учење и ќе понуди безбеден и инспиративен простор за размислување, размена и учење.

Профил на учесниците

Овој настан е отворен за учесници кои:

 • кои ја завршиле волонтерска активност во ЕСК (индивидуално волонтерство – краткорочно или долгорочно, или волонтерски тимови)

• кои ја завршиле својата волонтерска активност приближно во периодот од март 2025 до март 2026 година

 • кои се подготвени активно да учествуваат во целата траење на настанот

• кои се мотивирани да го споделат своето искуство и да учат од другите • можат да комуницираат на англиски јазик

Учесниците ќе бидат избрани и поканети од страна на Националната агенција за европски образовни програми и мобилност (Северна Македонија),  

Практични информации

Пристигнување:

четврток, 23 април 2026 (пристигнување во текот на денот, започнувајќи со вечера за добредојде навечер) Заминување: недела, 26 април 2026 (заминување по појадокот)

Локација:  

Сараево, Босна и Херцеговина (детали за местото ќе бидат споделени со избраните учесници)

Работен јазик: Англиски

Трошоци: Сместување, храна и патни трошоци ќе бидат покриени од Национална агенција за европски образовни програми и мобилност.

Учесниците се очекува да присуствуваат и активно да придонесуваат во целиот настан. Не е дозволено делумно учество за овој краток настан.

Како да аплицирате ?

Ако сте заинтересирани да учествувате, Ве молиме пополнете го овој формулар за апликација најдоцна до 31 март 2026 година.

https://ec.europa.eu/eusurvey/runner/59969f6c-b964-bc2d-b1b8-885affd55345

Апликантите и избраните учесници ќе бидат директно контактирани од страна на Национална агенција за европски образовни програми и мобилност со дополнителни практични информации.

Контакт лице за за прашања за апликанти од Република Северна Македонија:

Снежана Симоновска 

Е-пошта: snezana.simonovska@na.org.mk

Телефон: 075 402 806

Со нетрпение ве очекуваме во Сараево за да го прославиме заедно Вашето волонтерско искуство во ЕСК!

Општи мерки за спречување на корупцијата

Националната агенција за европски образовни програми и мобилност, во постапката максимум 6 учесници од Република Северна кои ќе учествуваат на Годишниот настан на Европскиот солидарен корпус за поранешни волонтери, кој ќе се одржи во Сараево, Босна и Херцеговина, од 23 до 26 април 2026 година и при извршување на договорот, ќе ги преземе сите потребни мерки со цел навремено откривање на корупцијата и отстранување или намалување на штетните последици од истата.

Доколку постои основано сомнение во врска со корупција во постапката може да пријавите на следната е-пошта: ukazuvaci@na.org.mk  и nepravilnosti@na.org.mk .