1.    Вовед и цели

Овој повик за предлог-проекти се заснова на Регулативата (ЕУ) бр. 2021/817 на Европскиот парламент и на Советот од 20 мај 2021 година за воспоставување „Еразмус+“: Програмата на Унијата за образование, обука, млади и спорт (1) (во натамошниот текст „ Регулатива за Еразмус+“) како и за Годишната програма за работа на Еразмус+ за 2023 година (C(2022)6002). Програмата Еразмус+ го опфаќа периодот од 2021 до 2027 година. Општите и специфичните цели на Програмата Еразмус+ се наведени во член 3 од Регулативата Еразмус+.

2.    Aкции

Овој повик за предлог-проекти ги опфаќа следниве акции на програмата Еразмус+:

Клучна акција 1 (КА1) - Мобилност за учење на поединци:

—    Мобилност на поединци во областа на образованието, обуката и младите

—    Активности за младинско учество

—    DiscoverEU – Акција за инклузија

—    Виртуелни размени во високото образование и младите

—    Мобилност на кадар од областа на спортот

Клучна акција 2 (КА2) – Соработка меѓу организации и институции

—    Партнерства за соработка:

—    Колаборативни партнерства

—    Партнерства од мал обем

—    Партнерства за извонредност:

—    Центри за стручна извонредност

—    Акција Еразмус Мундус

—    Партнерства за иновации:

—    Сојузи за иновации

—    Проекти насочени кон иднината

(1)      OJ L 189, 28.5.2021, p. 1

—    Градење на капацитетите во високото образование, стручното образование и обука, младите и спортот

—    Непрофитни европски спортски настани

Клучна акција 3 (КА3) – Поддршка за развој на политиките и соработката

—    Eвропските млади заедно Жан Моне активности:

—    Жан Моне во областа на високото образование

—    Жан Моне во други области на образованието и обуката

3.    Подобност

Секое јавно или приватно тело активно на полето на образованието, обуката, младите и спортот може да аплицира за финансирање во рамките на програмата Еразмус+. Дополнително, групи млади луѓе кои се активни во младинската работа, но не нужно во контекст на младинска организација, може да аплицираат за финансирање мобилности за учење на млади луѓе и младински работници, активности за младинско учество и DiscoverEU акцијата за инклузија.

Следниве земји можат целосно да учествуваат во сите активности на Програмата Еразмус+ (2):

—    27-те земји-членки на Европската унија и прекуокеанските земји и територии,

—    трети земји поврзани со Програмата:

—    земјите од ЕФТА/ЕЕА: Исланд, Лихтенштајн и Норвешка,

—    Земји кандидати за членство во ЕУ: Република Турција, Република Северна Македонија и Република Србија (3).

Дополнително, одредени активности на Програмата Еразмус+ се отворени за организации од трети земји кои не се поврзани со Програмата.

Ве молиме погледнете го Водичот за програмата Еразмус+ за 2023 година за повеќе детали за начините на учество.

4.    Буџет и времетраење на проектите

Вкупниот буџет предвиден за овој повик за предлог-проекти се проценува на 3 393,17 милиони евра:

Вкупниот буџет предвиден за повикот за предлог-проекти, како и неговата повторна распределба е наведен во Годишната програма за работа на Еразмус+ за 2023 година, усвоена на 25 август 2022 година, и може да биде изменет под услов на измена на Годишната програма за на работа Еразмус+. Потенцијалните апликанти се поканети редовно да ја консултираат Годишната програма за работа на Еразмус+ и нивните амандмани, објавени на:

https://ec.europa.eu/programmes/erasmus-plus/resources/documents/annual-work-programmes_en

Доделените грантови, како и времетраењето на проектите варираат во зависност од фактори како што се видот на проектот, видот на апликантите што ги исполнуваат условите и бројот на вклучени партнери.

(2)      Жан Моне активностите се отворени за организации од целиот свет.

(3)      Предмет на потпишување на билатералните договори за асоцијација

Корисниците може да ги пријават трошоците за работата извршена од волонтери во рамките на акција врз основа на единечни трошоци одобрени и дефинирани во Одлуката на Комисијата (2019) 2646. Ве молиме погледнете го Водичот за програмата Еразмус+ за детални инструкции за подобноста на волонтерските трошоци.

5.    Краен рок за поднесување на апликациите

Сите рокови за поднесување на апликациите наведени подолу се според бриселско време.