Në bazë të Vendimit nr. 25-534/1, datë 13.08.2026, Agjencia Kombëtare për Programe Evropiane të Arsimit dhe Mobilitet publikon

THIRRJE PUBLIKE

për përzgjedhjen e 25 pjesëmarrësve në seminarin dyditor të EPALE për ofruesit e arsimit për të rritur, me temë „Ndërkombëtarizimi në arsimin për të rritur dhe si t’i përfshijmë vlerat evropiane në projektet tona“, i cili do të mbahet në periudhën 16–18 shtator 2026 në Ohër, Republika e Maqedonisë së Veriut.

Në përputhje me Planin e miratuar të aktiviteteve të aksionit EPALE për vitin 2025–2026, Agjencia Kombëtare për Programe Evropiane të Arsimit dhe Mobilitet paraqet kërkesë për publikimin e thirrjes për përzgjedhjen e 25 pjesëmarrësve në seminarin dyditor të EPALE për ofruesit e arsimit për të rritur, me temë „Ndërkombëtarizimi në arsimin për të rritur dhe si t’i përfshijmë vlerat evropiane në projektet tona“, i cili do të mbahet në periudhën 16–18 shtator 2026 në Ohër, Republika e Maqedonisë së Veriut.

Seminari është i dedikuar për individë dhe organizata që punojnë në fushën e arsimit për të rritur dhe dëshirojnë të forcojnë kapacitetet e tyre për bashkëpunim ndërkombëtar, të zhvillojnë projekte inovative dhe të rrisin pjesëmarrjen e tyre në iniciativat evropiane.

Pjesëmarrësit do të kenë mundësi të njihen me parimet e ndërkombëtarizimit, përgatitjen e një koncepti cilësor të projektit, integrimin e vlerave evropiane në aktivitetet arsimore, si dhe me mundësitë aktuale për financim përmes programeve evropiane.

Kriteret për aplikim

• Personi duhet të ketë rol profesional në arsimin për të rritur, në çfarëdo forme;
• Personi duhet të ketë ose të krijojë një profil aktiv në EPALE deri në momentin e aplikimit për pjesëmarrje në këtë trajnim;
• Personi duhet të ketë motivim për përfshirje në bashkëpunimin ndërkombëtar në fushën e arsimit për të rritur;
• Personi duhet të ketë njohuri të gjuhës angleze dhe aftësi bazë për punë me kompjuter.

Gjatë përzgjedhjes së pjesëmarrësve do të merren parasysh aspektet e mëposhtme:

• përfaqësimi sipas rajoneve në Republikën e Maqedonisë së Veriut;
• profili i pjesëmarrësit dhe puna e tij/saj e deritanishme.

Vetëm kandidatët e përzgjedhur do të kontaktohen nga Komisioni.

Mënyra e aplikimit

Afati i fundit për aplikim në thirrje është 02.09.2026.

Kandidatët që i plotësojnë kriteret duhet të plotësojnë formularin për pjesëmarrje në linkun e mëposhtëm:

Aplikim për pjesëmarrje në trajnim

Shpenzimet e pjesëmarrjes

Agjencia Kombëtare do të mbulojë shpenzimet për ushqim, akomodim dhe udhëtim. Për pjesëmarrësit nga Shkupi do të organizohet transporti në relacionin Shkup–Ohër–Shkup, ndërsa pjesëmarrësit nga qytetet e tjera janë të obliguar ta sigurojnë vetë transportin nga vendi i nisjes deri në vendin ku do të mbahet seminari.

Shpenzimet e udhëtimit do të rimbursohen në vlerë të një bilete autobusi vajtje-ardhje.

Masat e përgjithshme për parandalimin e korrupsionit

Agjencia Kombëtare për Programe Evropiane të Arsimit dhe Mobilitet, gjatë procedurës për përzgjedhjen e 25 pjesëmarrësve në seminarin dyditor të EPALE për ofruesit e arsimit për të rritur, me temë „Ndërkombëtarizimi në arsimin për të rritur dhe si t’i përfshijmë vlerat evropiane në projektet tona“, i cili do të mbahet në periudhën 16–18 shtator 2026 në Ohër, Republika e Maqedonisë së Veriut, si dhe gjatë zbatimit të marrëveshjes, do të ndërmarrë të gjitha masat e nevojshme me qëllim zbulimin në kohë të korrupsionit dhe eliminimin ose zvogëlimin e pasojave të dëmshme të tij. Nëse ekziston dyshim i bazuar lidhur me korrupsion në procedurë, mund ta raportoni në adresat elektronike: ukazuvaci@na.org.mk, nepravilnosti@na.org.mk .