THIRRJE PUBLIKE
për përzgjedhjen e 2 (dy) eTwinners për pjesëmarrje në konferencën që do të mbahet në periudhën 05–07 nëntor 2026 në Zagreb, Republika e Kroacisë

Në përputhje me Planin e miratuar të aktiviteteve të aksionit eTwinning, është e nevojshme të publikohet një thirrje për përzgjedhjen e 2 (dy) eTwinners nga shkolla që kanë marrë Etiketën e Shkollës eTwinning për vitin 2026–2027, për pjesëmarrje në konferencën eTwinning që do të mbahet në periudhën 05–07 nëntor 2026 në Zagreb, Republika e Kroacisë.

Konferenca është e dedikuar për eTwinners nga shkollat që kanë marrë Etiketën e Shkollës eTwinning për vitin 2026–2027.

Shkollat eTwinning janë shkolla që kanë marrë Etiketën e Shkollës eTwinning për shkak të aktivitetit dhe përkushtimit të tyre në eTwinning.

Kriteret për aplikim

ü Personi duhet të jetë i regjistruar në platformën eTwinning;
ü Personi duhet të jetë i punësuar në një shkollë që ka marrë Etiketën e Shkollës eTwinning për vitin 2026–2027;
ü Personi duhet të ketë marrë pjesë në projekte eTwinning dhe në trajnime për zhvillim profesional;
ü Personi duhet të ketë njohuri të gjuhës angleze dhe aftësi bazë për përdorimin e kompjuterit.

Gjatë përzgjedhjes së pjesëmarrësve do të merren parasysh aspektet e mëposhtme:

ü historia e pjesëmarrjes në seminaret e mëparshme eTwinning;
ü përfaqësimi sipas rajoneve në Republikën e Maqedonisë së Veriut;
ü si dhe puna e realizuar në kuadër të eTwinning.

Mënyra e aplikimit

Afati i fundit për aplikim në këtë thirrje është 07.10.2026.

Kandidatët që i plotësojnë kriteret duhet të plotësojnë formularin e pjesëmarrjes në linkun e mëposhtëm:
https://forms.gle/iSdEHb8wJ6aaftsU8

Shpenzimet e pjesëmarrjes

Agjencia Kombëtare do të mbulojë shpenzimet e udhëtimit, akomodimit dhe tarifën e pjesëmarrjes në aktivitet. Pjesëmarrësi (individualisht) duhet të mbulojë vetë transportin deri në aeroport dhe kthimin nga aeroporti, si dhe të sigurojë sigurim shëndetësor të udhëtimit për periudhën e dakorduar.

Masat e përgjithshme për parandalimin e korrupsionit

Agjencia Kombëtare për Programe Arsimore Evropiane dhe Mobilitet, gjatë procedurës së përzgjedhjes së 2 (dy) eTwinners nga shkollat që kanë marrë Etiketën e Shkollës eTwinning për vitin 2026–2027, për pjesëmarrje në konferencën me titull „Shkolla të gatshme për të ardhmen me eTwinning: nga themelet e forta deri te udhëheqësit e ndryshimit“, e cila do të mbahet në periudhën 05–07 nëntor 2026 në Zagreb, Republika e Kroacisë, si dhe gjatë zbatimit të marrëveshjes, do të ndërmarrë të gjitha masat e nevojshme me qëllim zbulimin në kohë të +korrupsionit dhe eliminimin ose zvogëlimin e pasojave të dëmshme të tij.

Nëse ekziston dyshim i bazuar lidhur me korrupsionin në procedurë, mund ta raportoni në adresat e mëposhtme të postës elektronike: ukazuvaci@na.org.mk dhe nepravilnosti@na.org.mk.